കളക്ഷന്‍ റെക്കോര്‍ഡുകള്‍ തകര്‍ത്ത്‌ മായാമോഹിനി

 റിലീസിന് ശേഷമുള്ള ആദ്യ മൂന്നു ദിവസം കൊണ്ട് തന്നെ ആറു കോടിയോളം രൂപ കളക്ഷന്‍ നേടിയ മായാമോഹിനി,ദിവസങ്ങള്‍ കഴിഞ്ഞിട്ടും സ്റ്റെഡി കളക്ഷനുമായി മുന്നേറുന്നു.ഫാമിലി ഓഡിയന്സിന്‍റെ ശക്തമായ സാന്നിധ്യമാണ് ഇപ്പോഴും ചിത്രത്തെ ഹിറ്റ്‌ ചാര്‍ട്ടില്‍ ഒന്നാമത്‌ നിര്‍ത്തുന്നത്.നല്ല ചിത്രമെന്ന അഭിപ്രായം നേടിയ ആഷിക്ക് അബുവിന്‍റെ 22 ഫീമെയില്‍ കോട്ടയവുമായാണ് ഇപ്പോള്‍ മായാമോഹിനിയുടെ മത്സരം.22 ഫീമെയില്‍ കോട്ടയം യുവാക്കളുടെ ഇടയിലാണ് ശ്രദ്ധിക്കപ്പെടുന്നതെന്കില്‍ മായാമോഹിനി ഒരേ സമയം യുവാക്കളെയും കുടുംബ പ്രേക്ഷകരെയും ആകര്‍ഷിക്കുന്നു.അത് തന്നെയാണ് വിഷു ചിത്രങ്ങളില്‍ മായാമോഹിനി ഒന്നാമാതെത്താനുള്ള കാരണവും.

ആഷിക്ക് അബു 22 ഫീമെയില്‍ കോട്ടയത്തിലൂടെ കഥ പറച്ചിലിന്‍റെ യാഥാസ്ഥിതിക സങ്കേതങ്ങളെ വെല്ലുവിളിക്കുമ്പോള്‍ സംവിധായകന്‍ ജോസ്‌ തോമസ്‌ മായാമോഹിനിയില്‍ മലയാള സിനിമയിലെ വിവിധ താരങ്ങളുടെ ഇമേജ് മാറ്റിയെഴുതുകയാണ് ചെയ്യുന്നത്.വില്ലന്‍ കഥാപാത്രങ്ങളിലൂടെ മാത്രം സിനിമയില്‍ നിറഞ്ഞു നിന്ന സ്ഫടികം ജോര്‍ജ്‌ അടക്കമുള്ളവരുടെ വ്യത്യസ്തമായ പാത്ര സൃഷ്ടിയാണ് മായാമോഹിനിയിലെ പുതുമ.ജനപ്രിയ നടന്‍ ദിലീപിന്‍റെ കഴിവുകള്‍ പരീക്ഷിക്കപ്പെട്ട ഒരു ചിത്രം കൂടിയാണ് മായാമോഹിനി.സിനിമയില്‍ കോമഡി കളം നിറയുമ്പോള്‍ ദിലീപിന്‍റെ അഭിനയവും ചര്‍ച്ച ചെയ്യപ്പെടുന്നു.ഹിറ്റ് ചാര്‍ട്ടുകളില്‍ ഇടം നേടിയ ഗാനങ്ങളും,കൊറിയോഗ്രഫിയിലെ വ്യത്യസ്തതയും ചിത്രത്തിനു മുതല്‍ക്കൂട്ടാവുന്നു.കുട്ടികളെയും ചിത്രം ആകര്‍ഷിക്കുന്നുണ്ട്

Posted in: News